Зачыняе дзверы няўрымслівы 2020-ы год… У фінальнай перадачы адыходзячага года даведаемся пра новы фармат фестывалю “Беларускі кірмаш у Даўгаўпілсе”, паслухаем пра першую кнігу паэта Вацлава Гераеўскага, павіншуем з юбілеем нядзельную школу “Вясёлка”, пацікавімся вынікамі конкурсу даследчых работ Саюза беларусаў Латвіі, далучымся да “Піліпаўскіх вячорак”, а таксама атрымаем асалоду ад душэўных песень у такі цудоўны час напярэдадні Нараджэння Хрыстова і Новага Года.
Фестываль “Беларускі кірмаш у Даўгаўпілсе”
Х Міжнародны фестываль народнай культуры “Беларускі кірмаш у Даўгаўпілсе” у гэты раз ва ўмовах каронавірусных абмежаванняў адбыўся ў відэафармаце. Тэма сёлетняга фестывалю – талака. Відэа з запісамі лепшых песень і танцаў папярэдніх “кірмашоў” былі аб’яднаны ў зводны канцэрт.
Упершыню фестываль сабраў онлайн у Даўгаўпілсе беларускія ансамблі не толькі з Латгаліі, але і з усёй Латвіі, а таксама з літоўскага Вісагінаса, эстонскай Нарвы і беларускіх гарадоў Браслаў, Міёры, Полацк і Наваполацк. Падрабязней – у праграме “Світанак”.
Зборнік вершаў Вацлава Гераеўскага ў Елгаве
У сваю чаргу фінал 2020 года Беларускае таварыства “Лянок” у Елгаве адзначыла цудоўнай падзеяй – выдала зборнік вершаў свайго сябра Вацлава Гераеўскага. Распавядае старшыня суполкі Алена Грыслэ.
Беларускай нядзельнай школе “Вясёлка” - 25
У абмежаваных умовах, але з віншаваннямі і падарункамі, сустрэла юбілей Беларуская нядзельная школа “Вясёлка”, пра што распавядае настаўніца і член праўлення Даўгаўпілскага беларускага культурна-асветніцкага таварыства “Уздым”Алена Радзівонава.
Вынікі конкурсу даследчых работ СБЛ
У перадсвяточны час Саюз беларусаў Латвіі падвёў вынікі традыцыйнага конкурсу даследчых работ. Расказвае старшыня аб’яднання Алена Лазарава.
“Піліпаўскія вячоркі”
Піліпаўскія вячоркі – адна з нацыянальных традыцый у беларусаў. Гэта дзявочыя працоўныя вечары. Яны пачыналіся з Піліпаўскага паста ў праваслаўных, з Адвэнта ў католікаў і працягваліся да Калядаў. Дзяўчаты збіраліся невялікімі групамі ў кожнай з сябровак па чарзе ў хаце, займаліся рукадзеллем, спявалі спакойныя народныя песні. Пра гэтую старадаўнюю традыцыю Даўгаўпілскі Цэнтр беларускай культуры зняў невялікі фільм. Распавядае метадыст Марыя Памецька.
У ціхі час Адвента асабліва кранальна гучыць малітва – у сэрцы, у душы, у думках кожнага чалавека, у радках вершаў. Рэжысёр тэатральнай студыі “Паўлінка” Інэса Казлоўская чытае “Малітву за Беларусь” народнага паэта Рыгора Барадуліна.
Паважаныя радыёслухачы, шчыра віншую Вас з Калядамі і Новым годам! Будзем спадзявацца, што адыходзячы 2020 год забярэ з сабой хваробы, крызісы, сваркі і канфлікты. Здароўя, дабрабыту, міру і дабра жадае Вам праграма “Світанак”! Беражыце сябе і блізкіх!
Ieteikt
Latvijas Radio aicina izteikt savu viedokli par raidījumā dzirdēto un atbalsta diskusijas klausītāju starpā, tomēr patur tiesības dzēst komentārus, kas pārkāpj cieņpilnas attieksmes un ētiskas rīcības robežas.
Добавить комментарий
Добавить ответ
Чтобы оставить комментарий, Вы также можете войти в систему, используя свой профиль draugiem.lv, Facebook или X!
Draugiem.lv Facebook X