Тэмы чэрвеньскага выпуску праграмы “Світанак”: 30-гадовы юбілей аб’яднання беларускіх мастакоў Балтыі “Маю гонар”, 15-годдзе беларускага таварыства “Сузор’е” у Рэзэкнэ, Дні беларускай культуры ў Даўгаўпілсе, фотавыстава ў беларускай абшчыне “Мара” у Ліепаі, вечарына памяці Улдыса Бэрзыньша ў таварыстве “Світанак” у Рызе, а таксама чароўныя купальскія песні напярэдадні сонечных святаў Ліга і Купалля.
Аб’яднанню беларускіх мастакоў Балтыі “Маю гонар” – 30 год!
Аб’яднанне беларускіх мастакоў Балтыі “Маю гонар” адсвяткавала 30-гадовы юбілей. Увесь час грамадскую арганізацыю ўзначальваў адзін з заснавальнікаў, прафесійны мастак Вячаслаў Міхайлавіч Целеш. Аб’яднанне “Маю гонар” з выставамі аб’ехала ўсю Латвію, выстаўляліся ў Мінску, Эстоніі, выдавалі буклеты, ладзілі імпрэзы. Сваё 30-годдзе арганізацыя адсвяткавала юбілейнай выставай, з канцэртам і аншлагам. Як усё адбылося - распавядае новы старшыня Васіль Малышчыц.
Рэзэкненскаму беларускаму таварыству “Сузор’е” – 15 год!
Рэзэкненскае беларуская таварыства “Сузор’е” шырока адзначыла свой 15-гадовы юбілей. Пра значную падзею ў жыцці суполкі расказвае яе нязменная кіраўніца Людміла Стэц.
Дні беларускай культуры ў Даўгаўпілсе святкавалі цэлы тыдзень
У Даўгаўпілсе традыцыйныя майскія Дні беларускай культуры расцягнуліся на цэлы тыдзень і парадавалі прыхільнікаў шэрагам разнастайных мерапрыемстваў. Пра іх распавядае метадыст Цэнтра беларускай культуры Марыя Памецька.
У Рызе сябры таварыства “Світанак” успаміналі Улдыса Бэрзыньша
У Рызе Латвійскае таварыства беларускай культуры “Світанак” арганізавала вечарыну памяці латышскага паэта і перакладчыка Улдыса Бэрзыньша. Пра тое аповед старшыні Таццяны Казак.
У Ліепайскай беларускай абшчыне “Мара” адкрыта фотавыстава
У Ліепайскім беларускім доме адкрылася перасовачная фотавыстава “Беларускі позір Даўгаўпілса” Эдуарда Літвіноўскага. Як працягваецца плённае супрацоўніцтва беларусаў Ліепаі і Даўгаўпілса, распавядае член Беларускай абшчыны “Мара” Ганна Дзюбянова.
Сонечнага лета, чароўнага Ліга і Купалля жадае вам, паважаныя слухачы, перадача “Світанак” Латвійскага радыё-4!
Ieteikt
Latvijas Radio aicina izteikt savu viedokli par raidījumā dzirdēto un atbalsta diskusijas klausītāju starpā, tomēr patur tiesības dzēst komentārus, kas pārkāpj cieņpilnas attieksmes un ētiskas rīcības robežas.
Добавить комментарий
Добавить ответ
Чтобы оставить комментарий, Вы также можете войти в систему, используя свой профиль draugiem.lv, Facebook или X!
Draugiem.lv Facebook X