У першай навагодняй перадачы для беларусаў Латвіі “Світанак” даведаемся пра магчымасці адукацыі ў Беларусі, пацікавімся навінамі Рыжскай беларускай школы, адзначым юбілей пісьменніка Івана Шамякіна, павіншуем з юбілеем Вілянскае беларускае таварыства, пераймем вопыт он-лайн працы Рэзэкненскай і Дагдскай беларускіх суполак, а таксама паслухаем калядныя песні – фальклорныя, вядомыя і прэм’ерныя.
Адукацыя ў Беларусі і Рызе
Пасольства Рэспублікі Беларусь у Латвійскай Рэспубліцы распаўсюдзіла інфармацыю для моладзі пра магчымасці атрымаць бесплатную прафесійна-тэхнічную, сярэднюю спецыяльную і вышэйшую адукацыю ў Беларусі па дзяржаўнай праграме.
У пераліку спецыяльнасцяў: міжнародная эканоміка, журналістыка, агульная ўрачэбная практыка, стаматалогія, хімія, замежныя мовы, руская філалогія; архітэктура, аўтаматызаваныя сістэмы апрацоўкі інфармацыі, аўтасэрвіс, архітэктурны дызайн, аўтаматызацыя тэхналагічных працэсаў і вытворчасцяў. Зацікаўленым асобам трэба аператыўна асабіста звярнуцца ў пасольства Беларусі ў Рызе.
Тым часам Рыжская беларуская асноўная школы імя Янкі Купалы працягвае даваць вучням адукацыю ў новых умовах. Пра тое распавядае завуч Ганна Іванэ.
Пісьменніку Івану Шамякіну – 100
Напрыканцы студзеня Беларусь будзе адзначаць стогадовы юбілей пісьменніка Івана Шамякіна. А ў Латвіі да гэтай даты аб’яўлены конкурс сачыненняў, пра што расказвае метадыст Даўгаўпілскага Цэнтра беларускай культуры Марыя Памецька.
Вілянскаму таварыству “Сябры” – 10
10 гадоў таму было створана і зарэгістравана беларускае таварыства “Сябры” у Вілянах. Як нарадзілася суполка – успамінае ў тэлефонным інтэрв’ю яе нязменны старшыня Віктар Гардзейка.
Як беларусы замежжа захоўваюць гэтыя народныя традыцыі ў абмежаваных умовах каронавірускай пандэміі і з выкарыстаннем он-лайн пляцовак? Вопытам дзеляцца старшыня Рэзэкненскага беларускага таварыства “Сузор’е” Людміла Стэц і член праўлення Дагдскага беларускага таварыства “Вербіца” Інэса Плесня.
Будзем чакаць вясну і натхняцца пазітывам ад ансамбля “Дразды”: “Крый Бог край ад ліхіх падзей і ўсім пашлі надзей!”
Ieteikt
Latvijas Radio aicina izteikt savu viedokli par raidījumā dzirdēto un atbalsta diskusijas klausītāju starpā, tomēr patur tiesības dzēst komentārus, kas pārkāpj cieņpilnas attieksmes un ētiskas rīcības robežas.
Добавить комментарий
Добавить ответ
Чтобы оставить комментарий, Вы также можете войти в систему, используя свой профиль draugiem.lv, Facebook или X!
Draugiem.lv Facebook X