У новым выпуску перадачы “Світанак” даведаемся пра акцыю падтрымкі беларускага народа ў Латвіі і Усебеларускі народны сход у Мінску, падрыхтуемся да публічнай дыктоўкі па беларускай мове, адзначым стогадовы юбілей пісьменніка Івана Мележа, павіншуем сяброў з выданнем кнігі беларускай нацыянай кухні, а таксама паслухаем кранальныя песні.
Бела-чырвоная ілюмінацыя ў Рызе
У лютым беларуская тэма працягвае цікавіць грамадскасць свету. 7-га лютага ў многіх краінах, у тым ліку ў Латвіі, прайшлі акцыі салідарнасці з беларускім народам у яго барацьбе за свабоду і дэмакратыю.
Увечары ў нядзелю, у Рызе, Ратуша, Міністэрства замежных спраў, Нацыянальная бібліятэка, будынак Латвійскага тэлебачання і Палац культуры ВЭФ, а таксама лёд на Даўгаве – рацэ, якая злучае Латвію і Беларусь, былі падсвечаны бела-чырвона-белай ілюмінацыяй. Колер сцяга беларускага пратэстнага руху быў выбраны сімвалам падтрымкі.
VI Усебеларускі народны сход
У Беларусі галоўнай грамадска-палітычнай падзеяй стаў 6-ы Усебеларускі народны сход, які адбыўся 11-12 лютага ў Мінску. Форум праходзіць кожныя пяць гадоў. Беларуская апазіцыя выступала супраць правядзення Усебеларускага народнага сходу, лічачы яго мэтай легітымізацыю ўлады Аляксандра Лукашэнкі.
Ва Усебеларускім народным сходзе прынялі ўдзел 2 700 чалавек – дэлегаты і госці. Ад Латвіі на сход былі запрошаны два прадпрымальнікі і грамадскія дзеячы, чыя дзейнасць звязана з Беларуссю. Сваімі ўражаннямі ад паездкі дзеліцца Алена Лазарава, старшыня Саюза беларусаў Латвіі.
Міжнародны дзень роднай мовы
Як беларусы ў Латвіі адзначуць Дзень роднай мовы? Распавядае Ганна Іванэ, намесніца дырэктара Рыжскай беларускай школы імя Янкі Купалы, настаўніца беларускай мовы і літаратуры.
Усе жадаючыя пісаць дыктоўку па беларускай мове ў панядзелак, 22 лютага, у 14 гадзін: шукайце спасылку на ZOOM-пляцоўку на Фэйсбук-старонцы Даўгаўпілскага Цэнтра беларускай культуры.
Пісьменніку Івану Мележу – 100
Пісьменнік Іван Мележ, стагодзе якога адзначае беларускі літаратурны свет у лютым, многа пісаў пра родную мову.
Напрыклад, яго цытата “Мова – гэта вялікі народны скарб. Яе нельга не паважаць, як нельга не паважаць родны народ”. Дыктоўка ў Латвіі пройдзе менавіта па творах І. Мележа.
Кулінарны зборнік “Кірмашоўскія прысмакі”
Цэнтр беларускай культуры ў Даўгаўпілсе выпусціў кулінарную кнігу пад назвай “Кірмашоўскія прысмакі”. У ёй сабрана тры дзесяткі рэцэптаў папулярных страў нацыянальнай кухні ў беларусаў Латвіі.
Зборнік надрукаваны на беларускай мове. Прэзентацыя кулінарнай кнігі з дэгустацыяй адбудзецца падчас фестывалю “Беларускі кірмаш у Даўгаўпілсе” у верасні бягучага года. Падрабязней расказвае метадыст Марыя Памецька.
Ieteikt
Latvijas Radio aicina izteikt savu viedokli par raidījumā dzirdēto un atbalsta diskusijas klausītāju starpā, tomēr patur tiesības dzēst komentārus, kas pārkāpj cieņpilnas attieksmes un ētiskas rīcības robežas.
Добавить комментарий
Добавить ответ
Чтобы оставить комментарий, Вы также можете войти в систему, используя свой профиль draugiem.lv, Facebook или X!
Draugiem.lv Facebook X