У новым выпуску праграмы “Світанак” для беларусаў Латвіі прагучаць аповеды пра свята Купалля ў Даўгаўпілсе і ў Александрыі, 145-годдзе з дня нараджэння паэткі Алаізы Пашкевіч, а таксама мілагучныя беларускія песні.
Свята Купалля ў Даўгаўпілсе
Народнае свята беларускага Купалля ўжо стала штогадовай культурнай традыцыяй у Даўгаўпілсе, змяняючы кожны раз фармат і месца правядзення. У гэтым годзе святочны канцэрт “Беларускае Купалле” адбыўся ў дворыку мастацка-краязнаўчага музея. Пра свята расказвае кіраўніца тэатральнай студыі “Паўлінка” Алена Радзівонава.
Свята Купалля ў Александры
У Беларусі Купалле, як міжнародны фестываль, праходзіць у аграгарадку Александрыя, што на Магілеўшчыне. На свяце пабывалі і беларусы Латвіі. Праз два гады перапынку ў Беларусь, дзякуючы намаганням Генеральнага консула Рэспублікі Беларусь Іллі Лапуця, трапіла дэлегацыя ў складзе 11-ці актывістаў з Рыгі, Даўгаўпілса, Екабпілса і Ліепаі. Распавядаюць старшыня Саюза беларусаў Латвіі Алена Лазарава, члены праўлення таварыства “Уздым” Валерый Амбросаў і Лілія Воранава, старшыня Екабпілскага таварыства “Спатканне” Інна Янсанэ.
Паэтцы Алаізе Пашкевіч – 145 гадоў
У ліпені споўнілася 145 гадоў з дня нараджэння паэткі Алаізы Пашкевіч, больш вядомай пад літаратурным псеўданімам Цётка. Яна нарадзілася ў Шчучынскім раёне на Гродзеншчыне. Вучылася ў Вільні, Петэрбурзе, Львове, Кракаве. Пісаць пачала ў 1902 годзе пад уплывам Францішка Багушэвіча. І дзякавала паэту ў прадмове свайго першага зборніка пад назвай “Скрыпка беларуская”. Падрабязней – у праграме “Світанак”.
Ieteikt
Latvijas Radio aicina izteikt savu viedokli par raidījumā dzirdēto un atbalsta diskusijas klausītāju starpā, tomēr patur tiesības dzēst komentārus, kas pārkāpj cieņpilnas attieksmes un ētiskas rīcības robežas.
Добавить комментарий
Добавить ответ
Чтобы оставить комментарий, Вы также можете войти в систему, используя свой профиль draugiem.lv, Facebook или X!
Draugiem.lv Facebook X