У вераснёўскай перадачы “Світанак” на Латвійскім радыё-4 адзначым наступныя тэмы: Дзень беларускага пісьменства і Дні паэзіі ў Даўгаўпілсе, Дні беларускай культуры ў Вентспілсе і Свята бульбы ў Екабпілсе.

 

Дзень беларускага пісьменства ў Даўгаўпілсе

У гэтым годзе у Дні беларускага пісьменства аддавалі даніну памяці знакамітаму гуманісту Францыску Скарыне і яго кнізе “Апостал”, а таксама пісьменнікам і творам-юбілярам. Напрыклад, у Даўгаўпілсе чытачы па-новаму адкрывалі для сябе народную паэму “Тарас на Парнасе”. Дакладней распавядае метадыст Цэнтра беларускай культуры Марыя Памецька.

 

Дні паэзіі ў гонар Райніса

Напачатку верасня ў Даўгаўпілсе традыцыйна адбываюцца Дні паэзіі. У гэтым годзе свята было прымеркваная адразу на некалькіх юбілеяў: у першаю чаргу да 750-годзя горада, далей - 160-годзя з дня нараджэння класіка латышскай літаратуры Райніса, і яшчэ адна дата – год таму ў Даўгаўпілсе адчынілі новую культурную плыцоўку - Цэнтр Райніса. Таму прайшоў шэраг мерапрыемстваў, выдадзены кнігі, гучалі вершы Райніса на розных мовах.

Сваю павагу Райнісу выказалі і беларусы, што невыпадкова. Пра лёсавызначальную ролю Райніса ў жыцці беларускай дыяспары Латвіі размаўлялі на літаратурнай імпрэзе пад назвай “Разам з Райнісам” у Цэнтра беларускай культуры. Уражаннямі дзеліцца Ніна Юхноўская. 

 

Фестываль “Летні карагод” у Вентспілсе

Напрыканцы жніўня ансамбль беларускай песні “Журавінка” ладзіў традыцыйныя Дні беларускай культуры ў Вентспілсе і развіваў далей свой фестываль “Летні карагод”. Падрабязнасці - у ўдзельніцы ансамбля, каардынатара праекта Алены Нарушэвіч.

 

Фестываль “Бульба” у Екабпілсе

Песні пра бульбу гучалі ў апошнія дні лета ў Екабпілсе, дзе мясцовыя беларусы ладзілі традыцыйны фестываль “Бульба”. Расказвае кіраўніца Екабпілскага беларускага таварыства “Спатканне” і ансамбля “Завіруха” Іна Янсанэ.