Тэмы лістападскай перадачы “Світанак”: юбілей беларускага таварыства ў Елгаве, Дні беларускай культуры ў Рызе, фестываль беларускай аўтарскай песні ў Даўгаўпілсе, выстава беларускіх мастакоў у Вільнюсе.

 

Елгаўскаму беларускаму таварыству “Злата” – 10 гадоў

Елгаўскае беларускае таварыства “Злата” адзначыла свой першы 10-гадовы юбілей святочным канцэртам у рамках Дзён беларускай культуры ў Латвіі. Пра значныя падзеі ў жыцці суполкі размаўляем у тэлефонным інтэрв’ю з нязменнай старшынёй грамадскай арганізацыі Зэнтай Трэцьяк.

 

Дні беларускай культуры ў Рызе

Усю восень па Латвіі крочылі Дні беларускай культуры, якія  праходзілі ў розных суполках Саюза беларусаў Латвіі і ў розных гарадах краіны. Праграма “Світанак” пра тое расказвала. Як адзначылі свята ў Рызе – распавядае старшыня аб’яднання і таварыства “Прамень” Алена Лазарава.

 

Фестываль беларускай аўтарскай песні ў Даўгаўпілсе

У Даўгаўпілсе з аншлагам адбыўся 4-й Міжнародны фестываль беларускай аўтарскай песні “Восеньскія зоры”. Уражаннямі дзеліцца старшыня Беларускага культурна-асветніцкага таварыства “Уздым” паэтка Лілія Воранава.

 

Выстава Аб’яднання мастакоў Балтыі “Маю гонар” у Вільні

Аб’яднанне беларускіх мастакоў Балтыі “Маю гонар” упершыню за сваю 30-гадовую гісторыю адкрыла выставу ў Вільнюсе, у адноўленым Беларускім музеі імя Івана Луцкевіча. Пра падзею па тэлефоне распавядае старшыня грамадскай арганізацыі мастак Васіль Малышчыц.