Тэмы кастрычніцкай перадачы: юбілейныя выставы мастака Вячаслава Целеша і аб’яднання “Маю гонар”, будні Рыжскай беларускай школы імя Янкі Купалы, фестываль бульбы ў Екабпілсе, фестываль беларускай песні ў Вільні, і мелагучныя восеньскія песні.

 

Юбілейныя выставы Вячаслава Целеша

Восень – самая любімая пара года мастака, педагога, афіцэра Ордэна Трох Зорак, дзеяча беларускай грамадскай супольнасці ў Латвіі Вячаслава Міхайлавіча Целеша. Ён нарадзіўся ў верасні, мабыць, таму на яго карцінах часта адлюстроўваюцца восеньскія матывы, асабліва той восені, якую паэтычна называюць залатой. У каляровыя восеньскія дні ў Рызе адкрыюцца тры юбілейныя выставы Вячкі Целеша - на прэстыжных пляцоўках сталіцы; у Акадэміі навук Латвіі, Асацыяцыі нацыянальна-культурных арганізацый Латвіі, Латвійскай Нацыянальнай бібліятэцы. Падрабязней – у інтэрв’ю з В. Целешам.  

 

Выстава аўтапартрэтаў аб’яднання “Маю гонар”

У Асацыяцыі нацыянальна-культурых арганізацый Латвіі адкрыта калектыўная выстава Аб’яднання мастакоў Балтыі “Маю гонар”. Тэма экспазіцыі – “Аўтапартрэт”, пра што распавядае кіраўнік арганізацыі, мастак Васіль Малышчыц. 

 

Будні Рыжскай беларускай школы

Новы навучальны год у Рыжскай беларускай асноўнай школы імя Янкі Купалы пачаўся паспяхова і прынёс навіны. Расказвае настаўніца Ганна Іванэ.

 

Фестываль “Свята бульбы” у Екабпілсе

Працягваюцца фестывалі, у якіх удзельнічаюць беларускія аматарскія ансамблі Латвіі. Як адбылося традыцыйнае “Свята бульбы” у Екабпілсе  – расказвае яго арганізатар, старшыня Екабпілскага беларускага таварыства “Спатканне” Іна Янсанэ.

 

Фестываль беларускай песні ў Вільні

У верасні ў Вільні прайшло 27-е Свята беларускай песні, у якім штогод прымаюць удзел латвійскія партнёры. Распавядае метадыст Даўгаўпілскага Цэнтра беларускай культуры Марыя Памецька.