У лістападаўскай перадачы адзначым наступныя тэмы: канцэрты дзяржаўнага свята Латвійскай Рэспублікі, восеньскія Дні беларускай культуры, творчыя сустрэчы, мерапрыемствы памяці ночы расстраляных паэтаў і Дзяды.

 

Дні беларускай культуры ў Ліепаі

Традыцыйныя восеньскія Дні беларускай культуры прайшлі ў Ліепаі. Ансамбль “Мара” шмат выступаў на розных пляцоўках, а беларуская абшчына “Мара” шчыра запрашала на імпрэзы ў свой гасцінны Беларускі дом. Падрабязнасці – у члена праўлення Ганны Дзюбянавай.

 

Свята беларускай культуры ў Рызе

У Рызе прайшоў святочны канцэрт пад назвай “Калейдаскоп талентаў – дар нашай Латвіі”, пра што распавядае старшыня Саюза беларусаў Латвіі Алена Лазарава.

 

Паэтычна-музычная сустрэча ў школе

Сваей любоўю да Латвіі і Беларусі падзяліўся са слухачамі паэт Станіслаў Валодзька, творчая сустрэча якога адбылася ў сталічнай школе, дзе факультатыўна вывучаюць беларускую мову і культуру. Расказвае аўтар.

 

“Дзяды” у таварыстве “Сьвітанак”

Пераходам да наступнай тэмы стане верш Станіслава Валодзькі пад назвай “Чорная ноч Беларусі”, прысвечаны беларускай творчай інтэлігенцыі, расстралянай у 1937 годызе ў час сталінскіх рэпрэсій. Верш стаў песняй, музыку да якой напісала Алена Маслоўская.

У Латвійскім таварыстве беларускай культуры “Сьвітанак” “Ноч расстраляных паэтаў”, а таксама славутых беларусаў і сяброў узгадваюць на восеньскія Дзяды, што напачатку лістапада. Як прайшла імпрэза ў гэтым годзе – расказвае член праўлення Андрусь Татур.

 

Прысвячэнне памяці Сяргея Сахарава

На Дзяды ў рыжскім “Сьвітанку” узгадвалі сучаснікаў, адышоўшых у іншы свет, узгадвалі і беларускую інтэлігенцыю Першай Латвійскай Рэспублікі, якая заставіла пасля сябе добрыя справы і памяць. Напрыклад, Сяргея Пятровіча Сахарава - вядомага беларускага педагога, этнографа, грамадскага дзеяча і праваслаўнага гісторыка.

У Даўгаўпілскім мастацка-краязнаўчым музеі прайшла прэзентацыя факсімільнага выдання кнігі Сяргея Сахарава, арганізаваная Цэнтрам беларускай культуры ў супрацоўніцтве з Даўгаўпілскім беларускім таварыствам “Альтанка”.

Сахараў у 1937 годзе па выніках сваіх шматгадовых даследаванняў за свае сродкі выпусціў кнігу “Рыжскія праваслаўныя архіпастыры за сто гадоў (1836-1936)” з серыі “Да гісторыі праваслаўя ў Латвіі і Эстоніі”. Твор на рускай мове. Рэдкую кнігу шырокаму колу чытачоў вярнула таварыства “Альтанка” - дзякуючы праекту, які атрымаў дапамогу па бюджэтнай праграме Даўгаўпілскага дзяржаўнага гарадскога самакіравання і мецэнатаў.

Кніга надрукавана накладам 200 экзэмпляраў, большая частка якога перададзена ў дар Латвійскай праваслаўнай царкве з благаславення архіепіскапа Даўгаўпілскага і Рэзэкненскага Аляксандра.

Гэта ўжо трэцяя факсімільная кніга твораў сям’і Сахаравых, перавыдадзеная “Альтанкай”.