У першай перадачы новага 2025 года падвядзём вынікі года мінулага ў беларускіх нацыянальна-культурных таварыствах краіны, а таксама адзначым наступныя тэмы: канцэрт-фестываль “Зімовыя святкі” у Рызе, святы Калядаў у Рызе, Ліепаі і Рэзэкне, выстава жывапісу ў Даўгаўпілсе.

 

Канцэрт-фестываль “Зімовыя святкі” у Рызе

Адсутнасць снега і мароза не перашкодзіла беларускім таварыствам Латвіі плённа падвесці вынікі года і адсвяткаваць Каляды. Больш за тое, Латвійскае таварыства беларускай культуры “Вытокі” у Рызе правяло канцэрт-фестываль пад назвай “Зімовыя святкі” з надзеяй, што ён стане штогадовай традыцыяй. Падрабязнасці - у старшыні Таісы Бачкаровай, уражанні – у Ганны Іванэ і Валянціны Абатуравай. 

 

Каляды ў таварыстве “Світанак” у Рызе

Латвійскае таварыства беларускай культуры “Світанак” адсвяткавала Каляды супольна, у камернай атмасферы дома Асацыяцыі нацыянальна-культурных арганізацый Латвіі (АНКОЛ). Распавядае сябра “Світанка” Ганна Іванэ.

 

Каляды ў таварыстве “Сузор’е” у Рэзэкне

Па народных традыцыях святкавалі Каляды ў Латгаліі. Расказвае заснавальніца Рэзэкненскага беларускага таварыства “Сузор’е” Людміла Стец.

 

Каляды ў таварыстве “Мара” у Ліепаі

Ліепайская беларускай абшчына “Мара” яскрава адсвяткавала Каляды і падвяла вынікі мінулага года. Расказвае член праўлення Ганна Дзюбянава.

 

Выстава жывапісу ў Даўгаўпілсе

У Цэнтры беларускай культуры “Дома адзінства” у Даўгаўпілсе новы год пачаўся адкрыццём выставы ліепайскага мастака Аляксея Касінца, ураджэнцы Аршанскага раёна Віцебшчыны, земляка славутага мастака Міхаіла Савіцкага. Касінец – аматарскі мастак, якога шырокай аўдыторыі прадставіла Ліепайская беларуская абшчына “Мара”, а далей была вандроўка ў Даўгаўпілс. Распавядае Аляксей Касінец.