Тэмы майскага выпуску: юбілейная свята ў Рыжскім беларускім таварыстве “Прамень”, шматнацыянальны праект у Даўгаўпілскім Цэнтры беларускай культуры, добрыя справы Екабпілскага таварыства “Спатканне”, архіўныя знаходкі да юбілею пісьменніка Янкі Маўра, а таксама мілагучныя песні на беларускай мове.

 

Рыжскаму таварыству “Прамень” – 35 год

У Рызе таварыства “Прамень” і яго ансамбль “Надзея” святочным канцэртам адзначылі 35-годдзе дзейнасці. Распавядае старшыня Алена Лазарава. Думкамі таксама дзеліцца кіраўніца рыжскага беларускага ансамбля “Надзея” Ларыса Люцько.

 

Праект “Суквецце культур” у Даўгаўпілсе

У Даўгаўпілсе Цэнтр беларускай культурывялікім яркім канцэртам завяршыў акцыю “Суквецце культур”. У Доме Адзінства пры поўным аншлагу 17 калектываў і салістаў з 10 цэнтраў культур і нацыянальна-культурных таварыстваў прадставілі суквецце Даўгаўпілса. Канцэрт прымеркаваны да важнай даты. У календары Арганізацыі Аб'яднаных Нацый 21-га мая абазначаны як Сусветны дзень культурнай разнастайнасці ў імя дыялогу і развіцця. У гэты дзень не толькі святкуюць багацце культур свету, але і прыцягваюць увагу да важнасці іх бесперапыннай, эфектыўнай камунікацыі.

 

Добрыя справы Екабпілскага таварыства “Спатканне”      

Екабпілскае беларускае таварыства “Спатканне” актыўна рэалізуе праекты і робіць добрыя справы. Пра тое расказвае старшыня Іна Янсанэ.

 

Беларускі Жуль Верн родам з Ліепаі

28 красавіка сябры Іарданскага беларускага аб’яднання, Даўгаўпілскага Цэнтра беларускай культуры, культурна-асветніцкага таварыства “Уздым” і Цэнтральнай дзіцячай бібліятэкі Мінска правялі анлайн-імпрэзу, прысвечаную 140-годдзю з дня нараджэння беларускага пісьменніка Янкі Маўра. Іван Фёдараў (менавіта такія сапраўдныя імя-прозвішча Янкі Маўра) нарадзіўся ў горадзе Лібава, сучасная Ліепая. Інфармацыі пра дзіцячыя гады будучага пісьменніка, якога называюць беларускім Жуль Вернам, надта мала. І тут пашанцавала – у Латвійскім гістарычным архіве захаваліся метрыкі пра нараджэнне і хрышчэнне Івана Фёдарава, а таксама метрычныя запісы пра смерць бацькі хлопчыка.