У лютаўскай перадачы адзначым наступныя тэмы: Міжнародны дзень роднай мовы, ліквідацыя Рыжскай беларускай асноўнай школы імя Янкі Купалы, юбілеі Вентспілскага беларускага таварыства “Спадчына” і Даўгаўпілскай дзіцячай студыі “Скарбніца”. 

Апошні навучальны год беларускай школы ў Рызе

Песняй “Гаворка беларуская” віншую вас, паважаныя радыёслухачы, з Міжнародным днём роднай мовы. Менавіта мова з’яўляецца асноўным маркерам культурна-нацыянальнай ідэнтычнасці чалавека.

Іроніяй лёсу менавіта ў гэты дзень дэпутаты Рыжскай думы галасавалі за ліквідацыю Рыжскай беларускай асноўнай школы імя Янкі Купалы. Гэтаму папярэднічалі рашэнні камісіі па аптымізацыі сеткі ўстаноў агульнай адукацыі Рыгі, а таксама камітэта па адукацыі, культуры і спорту Рыжскай думы.

Пратэстаў з боку кіраўніцтва школы, настаўнікаў, бацькоў школьнікаў альбо недзяржаўных, грамадскіх арганізацый беларускай дыяспары не было, не было і жадання каментаваць.

Бягучы навучальны год для Рыжскай беларускай школы імя Янкі Купалы стане асаблівым: установа адсвяткуе свай 30-годовы юбілей і зачыніцца. Яна вырасла з нядзельнага беларускага класа Латвійскага таварыства беларускай культуры “Світанак”.  Таму пра лёс школы разважае член праўлення “Світанка”, настаўніца беларускай мовы і літаратуры Ганна Іванэ.

Вентспілскаму беларускаму таварыству “Спадчына” – 25!

Вентспілскае беларускае таварыства “Спадчына” адзначыла 25-годдзе. Пазнавальнымі брэндамі беларусаў Вентспілса з’яўляюцца ансамбль беларускай песні “Журавінка” і фестываль “Ад Ліга да Купалы”. Падрабязнасці ў старшыні Наталлі Бальшаковай.

Даўгаўпілскай дзіцячай студыі “Скарбніца” – 5!

Свой першы юбілей яскравым канцэртам адзначыла дзіцячая студыя “Скарбніца”, якая створана і ўжо 5 гадоў працуе у Цэнтры беларускай культуры Даўгаўпілса. Уражаннямі дзеліцца нязменная кіраўніца ансамбля Настасся Лукашэнак.

21-га лютага, у Міжнародны дзень роднай мовы, у Рыжскай беларускай школе імя Янкі Купалы і беларускіх таварыствах краіны па традыцыі пісалі дыктоўку па беларускай мове, у Даўгаўпілскім Цэнтры беларускай культуры прайшла канферэнцыя “Беларускія чытанні”, пра што раскажам у наступны раз. Дабра, міру, згоды, і да наступнай сустрэчы ў сакавіку на хвалях Латвійскага радыё – 4!